Vöggustofustrákur

Blessuð og sæl kæru öll

Nú er kúturinn byrjaður á vöggustofu og búin að vera í rúma viku. Hann virðist vera mjög ánægður og byrjar strax að leika sér þegar hann mætir á morgnana. Mamma hans var soldið meir fyrstu dagana en er að ná sér...soldið skrítið að litla barnið manns sé hjá ókunnugum og svo fannst mér öll hin börnin eitthvað svo stór og brjáluð hihih En þetta gengur vel hjá okkur félögunum og frábært að geta núna unnið hérna heima og stússast soldið meðan hann leikur sér við krakkana. Hann er búin að taka þvílíkt þroskastökk síðan hann byrjaði í vöggustofunni..Byrjaði að skríða um morguninn þegar hann byrjaði þar..svo er hann byrjaður að vinka og eins að klappa...klappar fyrir öllu í augnablikinu..rosalega skemmtilegt.:)

Ég byrja að kenna 7. okt í Östrigsgadesskole og verð að kenna 4 daga í viku þar og svo laugardaga í Íslenskuskólanum. Gabríel Noor verður passaður af Meinhild á laugardögum og er alveg eins og blóm í eggi hjá henni og svo verðum við í fríi á mánudögum saman.

Ég skelli inn nokkrum myndum núna af vöggustofu stráknum mínum duglega ásamt Meinhild og syni hennar. Einnig er víst nóg til af myndum af honum hér heima að strumpast...Það má sjá mynd af leiðinni okkar fallegu sem við göngum á vöggustofuna. Nú er ég búin að fá nýtt hjól og barnasæti fyrir kútinn og við byrjum að hjóla saman fljótlega:)
Knús og kossar í bili
p.s Læddi inn einni af Önnu Eygló(sem er að verða mamma í annað sinn hurrah hurrah) ásamt kútunum tveim síðan heima á Íslandi..þessi var tekin á símann...