Bros

Elsku þið
Hér eru nýjar myndir sem ég tók í kvöld af litla snúðnum mínum duglega. Hann er byrjaður að standa þegar mikið liggur við og hann verður að ná í eitthvað sem hann ekki má:) Hann er voða duglegur á vöggustofunni og er eiginlega alveg hættur að öskra á háa c-inu eins mikið og hann gerði..var líklega bara að venja sig við að vera í meiri hávaða en er heima og svo náttúrulega að prófa mörkin hjá pædagogunum...;) Ég er mjög ánægð með að hann sé á Elverhöj og mér finnst allir mjög vinalegir og almennilegir og strúktur sem ég er ánægð með. Litli engillinn minn virðist vera sáttur þarna og grætur í ca 10 sek þegar ég fer frá honum á morgnana og er roslega glaður að sjá mig þegar ég sæki hann :) Gabríel Noor sefur alltaf tvo lúra og borðar stundum morgunmat en alltaf hádegismat og kaffi á Elverhöj..og er nú ekki mjög hrifin af öllu en borðar stundum voða mikið og er ægilega saddur og sæll:)

Ég er búin að vera að kenna í forföllum núna í mánuð og er ekki að fíla það...mér finnst skólinn hafa breyst mikið við sameininguna og ótrúlegar uppákomur sem eru að gerast. T.d var öllum kúlum stolið úr tölvumúsunum í skólanum....einhver gerði númer tvö í vask...og fleira í þessum dúr. Flest eru nú börnin yndisleg og ömurlegt fyrir þau að þurfa að starfa við þetta alla daga...Þetta er líka ömurlegt fyrir starfsfólkið og kennarana sem eru virkilega að gera sitt besta og undir mikilli pressu.

Ég varð því mjög glöð þegar ég fékk svar frá Roskilde háskóla um að ég hafið verið tekin inn í MA námið í Global studies með þeim fyrirvara þó að ég nái TOEFL prófinu...Ég fer í það í byrjun des og vona að það gangi vel. Svo byrjar undirbúningsnámskeið í náminu í janúar og svo námið sjálft í byrjun febrúar...Ægilega spennandi og ég er alveg í skýjunum að drífa mig loksins í MA nám..sem var jú alltaf planið...Bara vona að ég nái þessu TOEFL....megið endilega segja mér ef þið hafið tekið svona próf og hvernig gekk?...

Ég á orðið mikið af myndum sem ekki hafa komst á síðuna og í stað þess að fresta og fresta set ég bara inn myndir frá núna...hitt fáið þið bara að sjá heima um jólin...Ég set svona bland í poka núna og svo er ég að reyna að taka mynd af snúðnum þegar hann stendur upp við borð en það hefur ekki tekist enn ...sem sagt að taka myndina...er alltaf að passa upp á geta gripið hann þegar hann vill ekki standa meira...:)

Ein serían sem hér kemur er af litla stríðnispúkanum sem er alltaf að reyna að stinga mömmu sína af og læðist inn á klósettið...sem betur fer er mamma fyrrum Grímseyjarmeistari í 20m hlaupi...
knús í bili elskurnar mína og er alltaf að hugsa heim...fylgist með fréttum og er alveg hætt að skilja þessa stjórnmálamenn.....
p.s læt fylgja með myndir af litla snúðnum frá því hann var vikugamall við hliðina á hundinum(sem mamma fékk þegar hún var lítill snúður) og svo tók ég mynd fyrir mánuði síðan og það er mikill munur enda kúturinn orðinn 72cm og 10.3 kg